بلاش تخريف.. عادل إمام يتسبب في انفعال إلهام شاهين ببرنامج «العرافة»
انفعلت الفنانة إلهام شاهين، خلال حوارها لبرنامج «العرافة»، على قناة المحور، مع الإعلامية بسمة وهبة، بعد سؤالها بأن الفنان عادل إمام غضب منها بسبب حصولها على جائزة عن فيلم الهلفوت.
وخرجت شاهين، عن شعورها، قائلة: "بلاش تخريف، أنتم جايين تخرفوا، الزعيم أكبر من أي جوائز، مزعلش، وإحنا حبايب وبموت فيه، ده أستاذ الأساتذة، إنتوا جايين تخرفوا، ده أكبر نجم في مصر، جايزة إيه اللي يزعل منها".
وتابعت: "أنا بعشق عادل إمام، صحيح بقالي فترة مبكلمهوش، لأنه مبيردش على حد في التليفونات، وآخر مرة التقينا، كان في سحور، ابنه أو زوج بنته عمله في رمضان الماضي وعزموني".
وأردفت: "شاركت مع عادل إمام في فيلم رمضان فوق البركان، وقالي إنتِ ليه قبلتِ الدور ده، فقلت له لو هعدي قدام الكاميرا قدامك أنا موافقة، فقالي إن إمكانياتك قوية وعملتي دور قوي في الهلفوت".
