ميار الببلاوي: «أنا مش ملاك ومعنديش مصدر رزق غير الفن»
كشفت الفنانة ميار الببلاوي، عن سر دعمها للفنانة حلا شيحة، قائلة: "أنا بدعمها جدًا، وهي قناعات، مقدرش أجبر حد يفكر بطريقة معينة، هي مترددة ويظل الجانب ده هي حباه، أنا مشفقة عليها، وهي صعبانه عليا، ولكن مقدرش أكون سيف بيأذيها".
وأضافت الببلاوي، خلال استضافتها ببرنامج "سابع سما"، المُذاع عبر فضائية النهار: "أنا بمثل وأنا شخصية مليئة بالتناقضات، وكل واحد حر في النظر للأشياء".
وأكملت ميار الببلاوي: "الفن زي السكينة لو مسكتيها وقطعتي بيها حاجة حلال، لكن لو قتلتي بيها حد حرام، ويظل في النهاية رسالة قوية جدًا".
وتابعت: "قلة المخرجين عليا بسبب حجابي، وأنا مش ملاك، فيا حب الدنيا شوية، بحاول أتغلب عليه، لكن معنديش مصدر رزق تاني غير الفن".
