نور الكاديكي: ريهام حجاج ظلمتني وطلبت مني أعتذر

صرحت الفنانة نور الكاديكي، بأن بطلة مسلسل يوتيرن ريهام حجاج تواصلت معها حول اعتراضها على حذف اسمها من تتر المسلسل، ووعدتها ريهام حجاج بوضع اسمها بالتتر، بشرط أن تنشر اعتذارا على صفحتها على موقع تبادل الصور والفيديوهات إنستجرام لمدة 10 ساعات.

وقالت نور إنها طلبت منها حذف اسمها بسبب التعليقات التي أساءت لها، واتهمتها بإجبارها على الاعتذار وبالفعل حذفته، مشيرة إلى أنه تم التلاعب بها من قبل بطلة المسلسل وكان وعدها بوضع اسمها في تتر المسلسل زائف.

ونوهت نور، إلى أنها تتعرض لتهديدات مستمرة من بطلة المسلسل، مشيرة إلى أنها سوف ترفع عليها قضية، وأنها أكدت أن ليس لها علاقة بتتر المسلسل وأن عليها التواصل مع الشركة المنتجة.

وكانت اعترضت الفنانة نور الكاديكي، على حذف اسمها من تتر مسلسل يوتيرن، وعلى سوء معاملة ريهام حجاج بطلة العمل لها أثناء التصوير وتترك لوكاشن التصوير، وذكرت ذلك على صفحتها الشخصية على موقع تبادل الصور والفيديوهات إنستجرام.

وجاء نص ما قالته الفنانة نور الكاديكي: «أنا جاية انهاردة اتكلم عن الظلم اللي بيحصل في الوسط الفني والقرف اللي بقينا فيه بقيت كل حاجة ماشية بالكوسة لدرجة إني اتظلم و يتشال اسمي من المسلسل طب ليه؟ وعملت إيه عشان يحصل كده؟ ليه الواحد مياخودش حقة ليه؟ إيه المرض اللي بقى في الناس ده يجد أنا مش مصدقة ومصدومة خلاص بقيت أي واحدة بطلة تطلع بفلوسها تفتري وتظلم الناس وتمسح أسميهم و تتحكم في كل حاجة كل دة لية وعشان إيه أنا مش حسكت وحتكلم كمان بدال الناس اللي خايفة تتكلم و تقول انها اتظلمت، أنا بطالب بحقي وأظن الناس كلها عارفة الممثل بيتعب إزاي وبيقعد يصور بالساعات و بيعمل اللي عليه وأكتر عشان في الأخر يلاقي نتيجة مش عشان يلاقي اسمة ممسوح من المسلسل، أنا بطالب بحقي و بحق المجهود ال عملته وعايزاكم تحسو بيا وبالظلم اللي بقينا فيه في الوسط الفني وأطالب بحقي في عدم تنزيل اسمي في تتر المسلسل يوتيرن مش حسكت للظلم وده حقي وتعب مجهودي عايزة حقي».

يذكر أن مسلسل يوتيرن بطولة ريهام حجاج، الفنان الكبير توفيق عبد الحميد، عبير صبرى، كريم قاسم، محمود حجازي، أيمن قسيونى، صفاء الطوخى، محمود حجازى، نانسي صلاح، نورهان، عبير منير، وهلا السعيد وعدد آخر من الفنانين، والعمل تأليف أيمن سلامة، من إنتاج جمال العدل، وإخراج سامح عبد العزيز.