عامل مسابقة أحلى صوت إزاي وانت صوتك مش حلو؟.. وبيكا يرد : «مش بالصوت»
أحرجت الإعلامية أسما إبراهيم ، مطرب المهرجانات حمو بيكا ، قائلة :" هسألك سؤال يا حمو بس متزعلش مني ، ليرد قائلا :" ربنا يستر".
ووجهت الإعلامية أسما إبراهيم، سؤالها لحمو بيكا خلال حلوله ضيفا معها ببرنامج «حبر سري» المذاع عبر فضائية «القاهرة والناس»، قائلة:" إزاي عامل مسابقة اسمها أحلى صوت وانت صوتك مش حلو؟.
ومن جهته رد مطرب المهرجانات حمو بيكا ، قائلا :" أنا عامل المسابقة عشان أظهر الأصوات الحلوة وأطلعها للنور وبعدين هي مش بالصوت".
وتابع:" وبعدين مش أنا اللي هقيم الأصوات في شركة معينة هي اللي قائمة على فكرة المسابقة ، معقبا:" أنا عايز الكل يشتغل وفي أصوات جميلة، مردفا :" ربنا أحن علينا من جميع البشر ولما بيشاور على عبد خلاص محدش هيقف قدامه ، أنا عندي كاريزما ".
