موافي: مينفعش تعمل فرح بملايين وجارك عليه إيصالات «فيديو»
كشف الدكتور حسام موافي أستاذ الحالات الحرجة بكلية طب قصر العيني، الفرق بين التبذير و الاسراف قائلا :"التبذير هو إنك تصرف مالك على المحرمات".
وأضاف موافي، خلال برنامجه "ربي زدني علما" المذاع عبر فضائية "صدى البلد" ،:"المبذر أخ الشيطان ، معقبا:"ربنا مش هيوصفك بأخ للشيطان غير لما تكون بتعمل حاجة حرام".
وتابع:"أما المسرف قصة أخرى غير المبذر ، حيث إن المسرف يصرف أمواله بكميات كبيرة ولكن في الحلال دا مسرف ، يبقى شتان بين المبذر والمسرف، والمسرف ربنا مش بيحبه".
وأكمل:"عدم حب الخالق لك كارثة ، دي جملة لو صاحبك قالها لك هتتجنن إزاي ميحبنيش، كل قرش هتصرفه بزيادة هتتحاسب عليه، مينفعش تعمل فرح بملايين وجارك عليه إيصالات".
