«الشغل مش عيب».. فتاة تعمل «دليفري»: بحلم يكون عندي شركة شحن - فيديو

استضافت الإعلامية نشوى مصطفى، الفتاة ضحى محمد، والتي تعمل في خدمة توصيل الطلبات للمنازل "دليفري".

وكشفت الفتاة خلال حوارها ببرنامج "بنت البلد" تفاصيل تجربتها في هذا المجال، قائلة: "أنا عندي 27 سنة ومتخرجة من معهد حاسبات وسكرتارية وبشتغل دليفري، لأن الشغل ده جالي بالصدفة، أنا كنت في الأول بشتغل في السكرتارية وخدمة العملاء وعرفت شغل الدليفري عن طريق واحدة صاحبتي".

وأكملت: "بشتغل دلفيري من 4 سنين ومع الوقت فكرت إن أنا أطور من نفسي واشتريت اسكوتر عشان أوصل بيه الطلبات وعندي طموح إني أجيب عربية ويكون عندي شركة شحن كبيرة خاصة بيا".

واختتمت: "الاسكوتر سهل عليا كتير جدًا لأني كنت بمشي مسافات كبيرة وده تعبني صحيًا، ووزني قل".