فيفي عبده تنفعل على بسمة وهبة لهذا السبب.. فيديو
نفت فيفي عبده، علاقتها بالإعلان الذي جاء بعنوان "جلسة مثيرة مع فيفي عبده لمدة ساعتين والفنانة تعلن الأسعار والشروط"، قائلة: "أنا معملتش إعلانات ومعرفش حاجة عن الإعلان دا".
وأضافت عبده، خلال حلولها ضيفة ببرنامج "العرافة" المذاع على قناة "المحور" ،مع الإعلامية بسمة وهبة ، قائلة: " اللي كتب العنوان ده معرفش يكتب، الخبر ده عمل ضجة كبيرة، لكن أنا معرفش عنه حاجة خالص".
وتابعت :" مش فاهمة يعني إيه جلسة مثيرة دي، أنا مردتش على اللي نشر الخبر ده، و مكنش في أي اتفاق مع الناس أنها تدفع فلوس عشان تقعد معايا، مردفه:" إذا كانوا موتوني وأنا عايشة".
وأكملت:" اللي كتب الخبر دا بيتهيألي واحد هندي ، لكن أنا معرفش حاجة عن الموضوع دا وتجاهلت الموضوع تماما لأن الكلام المكتوب ملوش معن ودي كلها إشاعات ملهاش علاقة بالواقع وبعدين لو هعمل جلسات هقعد مع ستات ".
