أحمد موسى لـ وزير النقل: البلد بتتباع عشان الديون.. شاهد رد مفاجئ من الأخير

طمأن وزير النقل، الفريق كامل الوزير، المواطنين بأن مصر آمنة ولن يتم بيعها أو التدخل فيها أبدًا من قبل المستثمرين الأجانب.

وأضاف الوزير، ردًا على سؤال الإعلامي أحمد موسى، خلال برنامج "على مسئوليتي"، المذاع على قناة صدى البلد، "هل مصر بتتباع عشان الديون؟": "قولا واحدا لأ، لأن إحنا عارفين مين اللي بنشاركه ومدى مأمونيته واستفادتنا منه، وعندنا ناس فاهمة كل حاجة".

وتابع وزير النقل: "اطمنوا محدش هيتحكم في المصريين، محدش هيشتري شركاتنا، وكل دول العالم بتاخد قروضا طالما أنها في حد الأمان، ومهم نضمن أن قروضنا في المستوى الآمن".

وواصل: "القروض دي بتتعمل عشان ننشط اقتصادنا، روحوا اتفرجوا عملنا إيه في توشكى، شوفوا النخل والقمح عشان نوفر لقمة العيش ونصرف ده بالدولار، عمرنا ما هنروح نبيع بلدنا، إحنا بناخد القرض بضمانة سيادية، والدولة ضامنة القرض ده".