كامل الوزير: «مش هنبطل شغل لحد ما نموت» - فيديو

قدم الفريق كامل الوزير، وزير النقل، اعتذاره لأهالي حي الزمالك، و26 يوليو بسبب ما تحملوه خلال فترة إنشاءات المترو، وتطوير المحطات خلال الفترة الأخيرة.

وقال الوزير، في مداخلة هاتفية لبرنامج "على مسئوليتي"، المذاع على قناة صدى البلد: "بنعتذر ليهم هم والناس اللي كانوا عايشين في 26 يوليو، واللي كانوا بيروحوا دار القضاء، ساعدونا واستحملونا، أو اللي في الكيتكات لحد دلوقت".

اقرأ أيضًا: وزير النقل يزف بشرى سارة بشأن مرتبات العاملين في شركة القطار الخفيف

وتابع الوزير: "بنعتذر لهم، ولكن البديل أصبح أفضل، هتركب مترو نضيف محترم، انزل اركب المونوريل، أو الأتوبيس اللي على الدائري، أو القطر السريع بتذكرة واحدة".

وأشار وزير النقل، إلى أنه يتم تنفيذ تكنولوجيا متطورة في مترو الأنفاق وتخدم أماكن مكتظة بالسكان وستحقق إيرادات مالية كبيرة، معلقًا: "هنروح كل حتة في مصر بسهولة، ومش هنبطل شغل لحد ما نموت".