يسرا تكشف سر رهبة الممثلين من عادل إمام «فيديو»

وجهت الفنانة يسرا، رسالة خاصة إلى الفنان عادل إمام احتفالا بيوم ميلاده.

وقالت يسرا، في مداخلة هاتفية لبرنامج التاسعة، المذاع على القناة الأولى المصرية: "عادل إمام صديق وزميل وأستاذ، تلاقيه في حياتك بكل المعاني".

وتابعت: "أول مرة اتقابلنا كان زمان أوي، أشتغلنا فيلمين مش بيتعرضوا كتير، وهما شباب يرقص فوق النار، وأذكياء لكن أغبياء".

وتابعت: "الشغل مع عادل إمام بيفرق عن أي حد تاني، الكواليس بتاعته وقعدته وإزاي حافظ أسامي كل الناس، وكل عامل داخل وخارج البلاتوه".

وواصلت: "شخصية رائعة وبديعة، لكن الممثلين بيكونوا مرعوبين منه في الأول عشان قدامه لأنه مش حاجة سهلة، ده فنان كبير مش سهل، لكن لما بيكسر الحتة دي بيأمن بالموهبة، وبيديلك كل الفرص اللي في الدنيا".

وأكملت: "اللي أصبحوا نجوم النهارده اشتغلوا معاه، هو بيؤمن بثقافته وحبه للفن، وإحساسه بالمسئولية، لأنه مش بياخد المهنة يسترزق منها بس، لكنه يقدر يقول كل حاجة من خلال الفن".

واختتمت يسرا حديثها: "يلا بقا ارجعلنا، وأنا عايزه أشتغل معاك يا أستاذ".