عمرو دياب يتصدر التريند بأغنية «اللي يمشي يمشي»

نجح الفنان عمرو دياب في تصدر محركات البحث وقوائمه على مواقع التواصل الاجتماعي المختلفة، وذلك بعد طرحه لأغنيته الجديدة، والتي تحمل اسم «اللي يمشي يمشي»، وتفاعل مع الأغنية عدد كبير من رواد السوشيال ميديا.

وأغنية اللي يمشي يمشي لعمرو دياب، تلحين مدين، وكلمات تامر حسين، وتوزيع توما، وديجيتال ماستر وميكساج أمير محروس.

وتقول كلمات أغنية اللي يمشي يمشي عمرو دياب:

اللى يمشي يمشي

عينى على ناس أمِنتها

إتأذيت مِنها بعدها

نزلوا مِن نظرى

مش حاقول عُذرى

دول عالم عارفه نفسها

قلبى ولا طيبته نِفعته

واللى يوم سِكنُه موته

دُنيا بتعرى

ياما بتورى

كله على قد نيته

اللى يمشي يمشي زى بعضه

يبقى فضىّ سكة للى بعده

فى النداله ناس كتيرة عدوا

دول ماشاء الله

حُب مِين ده كله منفعه

كله بقى عنده أقنعه

مين بقى برىء مين إدعىّ

مين حاتستثناه ؟

اللى حبونا مثلوا

واللى وعودونا كسلوا

يوفوا بوعودهم

والله يسعدهم

واللى له طريق يكمله

اللى ملىّ إيده مِننا

إفتكر نفسهُ حلمنا

فِهمهُ على قدي

الغرور واخده

لِسه ماعرِفش طبعنا

اللى شاف نفسه وافترىّ

واللى بيبيعنى فى الدرىّ

واللى مديت له

إيدى وصفيتله

طبعه هو المُشكلة

أرمى ورا ضهرى كُل ده

ايه اللى يجبرنى على كده

ياللا أشوف نفسي

حبة مِن نفسي

فى إختيار أحلى مِن كدة ؟.

وتُعد أغنية اللي يمشي يمشي عمرو دياب، هي ثاني أغاني الهضبة، في صيف 2022 وذلك بعدما طرح أغنية «هتدلع» في عيد الفطر والتي حققت نجاح جماهيري كبير ونسب مشاهدات عالية، وهي من ألحان محمد يحيى، وكلمات محمد القاياتي، وتوزيع أحمد إبراهيم.