بشأن لبن الأطفال.. أديب: هقول حاجة ومش عايز كلامي يتفهم غلط «فيديو»

أشاد الإعلامي عمرو أديب، بسياسة الدولة المصرية فيما يخص السلع التموينية، قائلًا: "كثير من الدول أعلنتها صراحة أنها في مأزق غذائي و أزمة غذائية، لكن مصر الحمد الله في مأمن من تلك الأزمات".

وأضاف أديب خلال برنامجه "الحكاية" المذاع عبر فضائية "إم بي سي مصر"، مساء اليوم الإثنين، قائلًا: أمريكا أعلنت مؤخرًا حالة الطوارئ الغذائية بسبب نقص لبن الأطفال".

وتابع: "إحنا النهاردة مش بنتكلم عن أي دولة وخلاص، دي أمريكا اللي هي مسؤولة عن لبن الأطفال في العالم كله، معقبًا: "هقول حاجة ومش عايز كلامي غلط فيه ناس بتقول بقى أمريكا معندهاش لبن أطفال و إحنا اللي عندنا ، لأ أنا مبقولش كدا أنا بقول العالم كله يواجه أزمة غذائية أعلنت عنها بعض الدولة لكن مصر تكثف جهودها و تتخطى الأزمة بشكل جيد".

وأكمل:" صحيح إحنا عندنا مشاكل في الأسعار و التضخم ، وعندنا قفزات في الأسعار حدثت و قفزات ستحدث، لكن مازلنا بنعافر ونواجه ، والنهاردة وزارة الصحة أعلنت عن توافر لبن الأطفال بمراكزها و مستشفياتها بجميع محافظات الجمهورية".