شاهد.. هاني شاكر يبكي على الهواء لهذا السبب

تأثر الفنان هاني شاكر، بعد تذكره وقت وفاة ابنته دينا.

وقال شاكر، خلال استضافته ببرنامج "السيرة"، المذاع على قناة دي إم سي: "دينا توفت يوم عيد الأم، بسكتة قلبية فجأة، مكنتش تعبانه قبلها ولا حاجة، كانت لوحدها مع الشغالة".

وأضاف: "كلمونا قالولنا، دخلت شوفتها وخدتها في حضني، كان يوم صعب أوي عليا".

وواصل هاني شاكر: "فراق بنتي دينا كان صعب أوي، ربنا ما يوري حد فراق الضنا، بيبقى صعب جدًا، أنك توصل للموقف ده وحته منك بتنزل تحطها تحت وتدفنها بإيدك، أنا وعيت على أهلي لما توفوا، واخويا الكبير، لكن فراق دينا بنتي كان أصعب بكتير".

واختتم حديثه وهو يبكي: "بنتي دينا كان عندها أمل كبير، وكانت متمسكة بالحياة، كان عندها أمل تعيش وتفضل مع ولادها".