أخصائية تقدم نصائح مهمة لطلاب الثانوية قبل الامتحانات.. فيديو

قدمت الدكتورة سهام حسن، أخصائي نفسي، روشتة تحفيزية لطلاب الثانوية العامة قبل انطلاق ماراثون الامتحانات.

وقالت سهام حسن، خلال استضافتها ببرنامج "صباح الخير يا مصر"، المذاع على القناة الأولى المصرية، إنه يجب أن يتم تخفيف الضغط أولًا على أولياء الأمور، حتى يمكن أن نقوم بذلك مع الطلاب.

وأضافت: "من البداية غلط أخلي الولد أو البنت يعتمد على الأهل، لازم أعود ابني أنه يحدد هدفه من البداية، يكون بيسعى ليه ويحركه".

وتابعت: "لابد من وجود هدف أساسي يحرك الطالب، ولكن المحفز يكون داخلي مش خارجي، مش أنا اللي بقرر عنه مستقبله، ولا يجب أن أتفادى قدرته العلمية".

وأكملت الأخصائي النفسي: "الاختيار هيلزمه أنه يتحمل مسئولية اختياره من البداية، لازم أجبره على ده من وهو صغير، عشان يكون قادر على الإبداع والتصرف بشكل جيد".

وحذرت: "مينفعش أعمل فكرة المقارنة بين الطلاب لأن ده هيعجزه مش هيحفزه نهائيًا، وطالما أنت قررت تكون أب أو أم مينفعش تعايره وتقوله أنا بعمل عشانك، أنت لازم تصرف عليه، ده دورك".