الدين والسياسة يعيدان حنان ترك لتصدر المشهد من جديد
احتل اسم الفنانة المعتزلة حنان ترك قائمة محرك البحث جوجل، وأيضًا مواقع التواصل الاجتماعي، وذلك بعدما ظهرت لمتابعيها في بث مباشر عبر صفحتها الشخصية على موقع التواصل الاجتماعي فيس بوك.
كشفت حنان ترك في البث المباشر الذي ظهرت فيه تفاصيل مرضها خلال الفترة الأخيرة، وتداول الجمهور تصريحاتها بشكل كبير على مواقع التواصل.
وقالت حنان ترك إنها تعاني من دور برد أصابها منذ أسبوع، وصوتها تعبان بسبب البرد، وتابعت: «صعبت عليا نفسي أوي أوي لما أصحابي وحبايبي اللي يعرفوني كويس زعلوا مني على حاجات أنا ماليش علاقة بيها وعمري ما قولتها».
وأضافت: «معقولة نسيوني أوي للدرجة دي وممكن يفتكروا إني أقول الكلام ده، خدت على خاطري منهم، والحمد لله عرفت أوثق الصفحة بتاعتي وكل الصفحات التانية معظمها اتراجعوا وغيروا الاسم، وأنا مش هسكت خالص، وهبتدي اخد إجراءات».
وتابعت حنان ترك: «بطلب منكم تساعدونى على أى حد بيتكلم باسم، وإنتوا اللى تقفوا لأنكوا عارفين حنان ممكن تقول إيه ومتقولش إيه، في صفحات كتير باسمى بيتكلموا باسمى فى الدين وفى السياسة، وأنا ماليش علاقة بيها وعمري ما أنزل بوستات بالشكل ده، وأنا جاهلة جدًا ومعنديش وعي بالسياسة، أما بالنسبة للدين قلتها زمان وهقولها تانى أنا درست علوم شرعية على سبيل النجاة لا على سبيل الدعاء، والدعوى».
