أحمد موسى لوزير التموين: «زودوا الدعم لمزارعين القمح» - فيديو

طالب الإعلامي أحمد موسى، الحكومة بزيادة الدعم لمزارعين القمح، قائلًا: "الترهيب والمحاضر مش هتجيب نتيجة".

وقال موسى، موجهًا حديثه لوزير التموين، الدكتور علي المصيلحي، خلال برنامج "على مسئوليتي"، المذاع على قناة صدى البلد: "اللي معندوش فلوس هيموت، إحنا في مرحلة مينفعش أتكلم مع الناس كده".

وأضاف: "السيد رئيس الجمهورية بيعمل كل يوم قرارات عفو، مش عايز حد محبوس، لكن مينفعش أعمل جنحة وقضاء عشان أردب قمح، ليه".

وتابع: "المزارعين هيوردوا القمح، زودوا شوية السعر، لازم نعمل دراسة أننا نزود شوية للناس، موضوع الجنحة والمحاضر مش هجيب حاجة، القمح هييجي لكن مش كده، لو دفعت 100 جنيه زيادة للمزارع هتفرق إيه معاك، الناس هتتبسط وهتدعيلكوا".

واختتم موسى: "المزارع طيب مبيدقش بس يحس أنه لقى التقدير".