أول تعليق لـ «عروس البحيرة» عن فيديو عقد قرانها.. ماذا قالت؟
ردت أمنية طارق، عروس البحيرة صاحبة مقولة "تشيل أهلي في عينيك"، على الهجوم الذي لاحقها عقب فيديو عقد قرانها، قائلة:"ده طلب مش شرط، وخليت الطلب ده يوم كتب الكتاب علشان يكون إشهار".
وأضافت طارق، خلال مداخلة هاتفية مع برنامج "كلام هوانم"، المذاع عبر فضائية "الحدث اليوم"، اليوم الأحد، قائلة : "شرط إزاي وأنا بقوله هطلب منك طلب، أنا بطلب منه مش بشرط عليه".
وتابعت:"اللي مالوش خير في أهله مالوش خير في حد، وأنا وحيدة أمي، وحبيت أشكرها، وأقوله خلي بالك منها هي مالهاش غيري وأنا ماليش غيرها، وهو قالي أهم حاجة رضا أمي عليكي".
وأكملت :"هو شايل أهله على راسه وبيقدسهم، وأنا كمان بقدس أهلي جدًا، والمفروض تكونوا مبسوطين بينا إننا ناس كويسة وبتحب اهلها والعائلتين مش مضايقين من بعض".
وأردفت:" وأنا واخدة زوجي عن حب، وكنت عايزة أقول للناس كلها أني اخترت صح، وطلبت منه الطلب دا يوم كتب الكتاب عشان أقوله قدام الناس قد إيه هو راجل كويس ومحترم وأهله ناس كويسين ".
وأثارت الشابة أمنية طارق المعروفة إعلاميًا بـ "عروسة البحيرة" حالة من الجدل عقب ظهورها في مقطع فيديو، ظهرت خلاله ع وهي توصي زوجها بعدة وصايا جاء فيها: "أنا واثقة في ربنا وفيك إنك هتكون خير السند وخير الصاحب، مندمتش يوم في اختيارك، بل بالعكس أنت أكبر وأعظم انتصاراتي، هطلب منك طلب، زي ما هشيل أهلك في عيني، تشيل أهلي في عينك الصغير قبل الكبير، ومع احترامي للكل أمي ثم أمي ثم أمي، مش هسيب أهلي بالساهل".
