عمر أديب: «كان كل أملي في الحياة إننا نفوز ماتش غينيا بس»

علق الإعلامي عمرو أديب، مساء اليوم الأحد، على نتيجة مباراة مصر وغينيا في التصفيات المؤهلة لبطولة أمم إفريقيا 2023، قائلًا: "ربنا كرمنا مبروك يا كابتن إيهاب عدينا بالثلاث نقاط".

وقال "أديب"، مُقدم برنامج "الحكاية"، المذاع عبر فضائية "إم بي سي مصر"، إن مصر أحرزت هدفها في الدقائق الـ8 الأخيرة بأقدام نجم أندية تركيا مصطفى محمد.

وتابع: "الحمد لله فازت مصر بالثلاث نقاط مثلما كنا نريد، أما المستوى ممكن نعمل فيه ندوة بعدين ،ويقعدوا يحللوا".

واستطرد: "زي ما قولتلكم بعد الشوط الأول، إن كل أملي في الحياة ربنا يكرمنا نفوز بالماتش دا، ونعدي مباراة إثيوبيا، ونكون يا الأول والثاني، وكان الله بالسر عليم".

وأردف: "المستوى لا، والروح لا، إنما مصنع الشماعات النهاردة هيشتغل، أصله لما كان جاي رجليه اتكعبلت".

وعن الشوط الأول، قال: "تحس إن اللي بيلعبوا موظفين، تحسهم موظفين جايين من جهة حكومية يقضوا الوقت المطلوب منهم ويمشوا".

وأضاف أديب: "طريقة الأداء لا يوجد بها شيء يذكر، مفيش روح، مفيش حماس، إحساسهم بيقول إن الدنيا لسه قدامهم طويلة، معقبا:" إحنا ياسادة كل مرة نخسر البدايات، ونعيط في النهايات".