بعد تعرضها لـ «عضة كلب».. رحمة حسن تكشف تطورات حالتها الصحية بعد نقلها للمستشفى

كشفت الفنانة رحمة حسن، تفاصيل ما حدث اها من هجوم من قبل "كلب"، وتطورات حالتها الصحية بعد دخولها المستشفى.

رحمة حسن تكشف تطورات حالتها الصحية بعد نقلها للمستشفى

حيث قالت «رحمة» في منشور عبر حسابها الرسمي بموقع الصور والفيديو «إنستجرام»: «مساء الخير.. أنا متشكرة جدًا لاهتمامكم ولكل الناس إلى كلمتني تطمن عليا، وآسفة إني ماقدرتش أرد على معظم الناس لأني كنت تعبانة ومش قادرة اتكلم».

وأضافت: «أنا رحت المستشفى النهاردة وكشفت عند جراح متخصص وهو غير على الجرح وعمل اللازم والحمد لله طمني، وقالي أتابع معاه الفترة الجاية وإني هاكون كويسة إن شاء الله والجرح هياخد وقته وهايخف».

وتابعت: «بالنسبة للكلب فإحنا اتكلمنا مع صاحبته وطلبنا منها توديه مركز تأهيل وتدريب علشان تعدل سلوكه، وتبعت لنا الورق الرسمي اللي بيثبت إنها ودت الكلب فعلا، والا هاعمل محضر.. وساعتها الكلب إلى هايتضر، ودي حاجة ماترضيش حد.. وهي كانت متفاهمة جدا ووافقت وقالت إنها هاتعمل كدة أول الشهر الجاي، علشان أخوها اللي هايوديه ويتولى مسئوليته».

واختتمت حديثها: «الحمد لله أنا كويسة والكلب كويس، وأتمنى إن صاحبة الكلب تصدق في كلمتها وتودي الكلب فعلا مركز تعليم ويبقى كويس».