أحمد شيبة: «عملت أغاني رومانسية لكن بلف وبرجع للشعبي هو الأساس».. فيديو

أعرب المطرب أحمد شيبة، عن سعادته بالتكريم في حفل توزيع جوائز MEMA، لموسيقى الشرق الأوسط في دورته الـ 15، قائلًا: "فرحان جدًا إني هنا وبشوف الجمهور".

وقال شيبة، خلال لقاءه ببرنامج "ليالي Ten": "الجمهور بيختارني عشان نصيبي كده، الناس بتحبني، وبحمد ربنا على حب الناس ده".

وأضاف: "أنا عامل أغاني رومانسية وليس فقط شعبية، حتى يكون متناسب مع كافة فئات الجمهور، ولكن بلف بلف وبرجع للشعبي، هو الأساس".

وتابع شيبة: "الأغاني الشعبية مهمة جدًا، اتربينا عليها وحبيناها، في مناسباتنا السعيدة، زي محمد رشدي ومحمد قنديل، والأماكن اللي فيها البهجة الأغنية الشعبية بتكون هي الأساس".

وأكمل: "لكن لازم أجرب أنواع تانية من الأغاني، زي الرومانسي، وعملت حاجات كتير من النوع ده، وهتنزل الفترة الجاية، وأنا طمعان أخد جوايز كتير تاني على كل الأغاني، أنا بشوف أني بعمل حاجة تعيش".