أحمد عزمي: «دماغ تامر حسني رجعتني للفن.. وفاجأني أنه مؤلف ومخرج»

تحدث الفنان أحمد عزمي، عن مشاركته في فيلم بحبك، مع الفنان تامر حسني، وهنا الزاهد ومجموعة من النجوم.

وقال عزمي، في مداخلة هاتفية لبرنامج "كلام الناس"، المذاع على قناة إم بي سي مصر: "دماغ تامر حسني رجعتني للفن، وفاجأني كمؤلف ومخرج".

وأضاف عزمي: "تجربة جميلة جدًا وأنا سعيد بيها أوي، وشايف أن دمها خفيف، أني أشتغل مع تامر كممثل ومخرج في نفس الوقت".

وتابع: "تامر كلمني في أواخر رمضان وباركلي على المسلسل اللي عملته، قال لي نفسي تبقى معايا وعايزين نبدأ مع بعض نعمل حاجة حلوة".

وأكمل: "كلمني عن الشخصية وعبارة عن إيه، كانت دور ضابط بنفس اسمي "أحمد عزمي"، عجبتني ورحبت جدًا بالفكرة، وانا سعدت بالعمل مع المجموعة دي، ويارب الفيلم يكسر الدنيا".

وعن تجربة تامر حسني في الإخراج، تابع عزمي: "في ممثلين بدأوا ودرسوا الإخراج، لما اتكلمت مع تامر لقيت أنه فاهم جدا، كنت داخل أتعامل معاه كممثل، لكن اتفاجأت أنه مخرج شاطر جدًا، فعايز يخرج منك أحسن ما عندك".