رضا عبد العال: «كيروش فاشل واللي بيقولوا عكس ده موكوسين».. فيديو

انفعل الكابتن رضا عبد العال، نجم النادي الأهلي ومنتخب مصر السابق، على الهواء بسبب ما فعله المدرب الفني السابق كارلوس كيروش في الفريق.

وقال عبد العال، خلال استضافته ببرنامج "كلام الناس"، المذاع على قناة إم بي سي مصر: "كيروش الفاشل عمال يقطع فينا دلوقتي، أنا عايز أعرف حضرتك كنت راجل خبير جاي تعمل إيه؟، ده عنده مشكلة خد فرصة محدش من المدربين خدها".

وتابع: "وصل بينا ومخدتش حاجة، ده فاشل وللأسف في مسئولين جايين يقولوا أنتوا مشيتوا كيروش، بقولكوا أنتوا فاشلين زيه".

وأكمل عبد العال: "ده ضيع مننا تاريخ كان ممكن نعمله لو معانا مدرب محترم، لازم ناخد بطولتين من التلاتة، كان هيقعد على إيه يا موكوسين"، متابعًا: "ده راجل فاشل أنا قولت هبوس إيد كيروش لو خد أي بطوله، وإيده اتقطعت".

واختتم حديثه: "إحنا عندنا لاعيبة بس عايزه مدرب قوي، وتكون شخصيته قوية".