كارثة في البحيرة.. أديب: «ده فاتح بلاعة وبيغسل وشه فيها»
علق الإعلامي عمرو أديب، على الخبر الذي انتشر لقيام بعض الأهالي في البحيرة بغسل وجوههم وأجسامهم بمياه صرف صحي كنوع من البركة وعلاج الأمراض.
وقال أديب، خلال برنامجه "الحكاية"، المذاع على قناة إم بي سي مصر: "في باكابورت بيعالج الأمراض، هي وصلت لكده يا جماعة، طب ريحة المياه دي، ده فاتح البلاعة وحاطط فيها دماغه".
وتابع : "أنا عجزت يا جماعة، مش قادر أشوف أكتر من اللي أنا بشوفه ده حاجة صعبة فعلًا، التعليم بيفيد فعلا ووعيه هيكون أحسن"، متسائلا: "مين اللي طلع الفكرة دي، هل الناس فعلًا بتتبارك بالمياه دي؟".
وأوضح جمال أبو الفضل، مراسل قناة إم بي سي مصر في البحيرة، تفاصيل هذه المشكلة، قائلًا: "نفس القصة دي منتشرة من 100 سنة، دي مدينة إدكو شمال محافظة البحيرة".
وأردف: "الناس عندها قناعة أن دي مياه جامع، وفي ناس بتيجي من إسكندرية عشان تتبارك بالمياه دي، هذا كلام سيء للغاية، ومصيبة"، موضحًا أن محافظ البحيرة أكد أنه سيتم اتخاذ إجراء فوري لهذه المشكلة".
