رأي صادم لـ طارق الشناوي في «محمد ثروت وعمرو عبد الجليل» - فيديو

فاجئ الناقد الفني طارق الشناوي، الجمهور برأيه في الفنانين "محمد ثروت، وعمرو عبد الجليل".

وقال الشناوي، خلال لقائه ببرنامج "نص الكلام"، الذي تقدمه الإعلامية رغدة شلهوب، على قناة النهار: "محمد ثروت كنت بشوفه نبرة عالية، مش كوميديا هادية، ممكن تبقى أحلى"، مضيفًا: "لكن بعد كده لقيت النبرة دي تم توظيفها بشكل صح، وبدأت ألاقي فيه الممثل، لذلك رأيت أنى كنت قاسي بالحكم عليه".

وتابع الناقد الفني: "كنت زمان شايف الكوميديا بتاعته بتجرح، لكن عجبني أدائه، في فاتن أمل حربي، عظيم ونجح جدًا".

وعن رأيه في عمرو عبد الجليل، أوضح الشناوي: "ده من أخف الممثلين دمًا، موجود دائما كعمرو عبد الجليل، لكن بشبهه بالزيت الحار، بيكون واضح أوي في تاريخه والمذاق يغطي على كل حاجة".

وأشار الشناوي: "عبد الجليل بيعمل أي حاجة أيًا ما كان الدور، متقدريش تستغني عنه زي الزيت الحار".