أحمد موسى يصدم الجمهور: «إقالة إيهاب جلال وتعيين هذا المدرب»

كشف الإعلامي أحمد موسى، عن أنه سيحدث تطورات جديدة في منتخب الكرة المصرية، خاصة بعد الخسارة الأخيرة أمام إثيوبيا.

وقال موسى، خلال برنامجه "على مسئوليتي"، المذاع على قناة صدى البلد: "إيهاب جلال خلص، أخر ماتش له هيكون مع كوريا الجنوبية".

وأضاف موسى: "اتحاد الكرة قرر إقالة إيهاب جلال، وآخر ماتش ليه هو كوريا الجنوبية، كمدير فني للاتحاد المصري، انتهت علاقته بالمنتخب، ودي أسرع إقالة، بعد ماتشين هيكون مش معانا، والقرار اتاخد امبارح".

وتابع موسى: "سيتم البحث عن مدير فني أجنبي بأي رقم، لأن منتخبنا يستحق، ويجي لو عايز يسرح نص المنتخب يعمل كده، هيدوله كل الصلاحيات".

وأكمل: "ليه حق صلاح يمشي، كان بيلعب مع ناس مش بتعرف تلعب كورة، عايز أقولكوا إن فيه ناس في المنتخب هتلاقوهم بعد كده مش معانا، تجاملوا وإحنا اللي بندفع التمن".

وأكد موسى: "سيتم إعادة تجديد دماء المنتخب الوطني، لا يمكن حرقة الدم اللي عايشناها دي، وتم تكليف كابتن حازم إمام ومحمد بركات بالبحث عن مدير فني جديد".