أول ظهور للفنانة رحمة حسن بعد «عضة الكلب»
حرصت الفنانة رحمة حسن على طمأنة جمهورها ومحبيها على حالتها الصحية، وذلك بعد أن هاجمها كلب، وخضعت للعلاج خلال الفترة الماضية.
وشاركت رحمة حسن جمهورها بصورة جديدة على حسابها الشخصي بموقع الصور الشهير انستجرام، وكتبت معلقة: «الصورة دي علشان اطمن الناس اللي سألت عليا انشالله ابقي كويسة واحدة واحدة أنا لسه بكمل الحقن وبغير على الجرح كل يوم بس الصورة دي علشان تطمئن أصحابي وكل الناس الغالين، شكرا جدا ادعولي إني أبقي أحسن حقيقي».
وأوضحت الفنانة رحمة حسن لجمهورها تطورات حالتها الصحية، وذلك بعد تعرضها لعضة كلب خضعت على أثرها للعلاج.
وكتبت رحمة حسن على حسابها الشخصي بموقع الصور الشهير انستجرام: «أنا حقيقي تعبانة ومتأزمة جدا.. وکوابیس ومش عارفة حتي أقرب من القطة بتاعتي وألعب معاها لأني خايفة عليها لحد ما أخلص العلاج».
وتابعت: «النهاردة أخدت الجرعة التانية و لسه هكمل طبعا ده غير وجع الجرح حقيقي.. اللي عوزة أقوله إن فعلا لو بعد شهر ما حصلش حاجة تخص الكلب وعلاجه وتغیر سلوكه وعدم نزوله بدون كمامة، أنا هروح أخد موقف قانوني لأني فعلا تعبانة جسديا ونفسيا جدا جدا، وخايفة جدا يحصل ده لحد تاني وأكون أنا السبب إني ما خدتش موقف».
