عاجل.. اتحاد الكرة يُعلن إقالة إيهاب جلال.. ويكشف عن قرارات نارية
أعلن اتحاد الكرة المصري رحيل إيهاب جلال المدير الفني لمنتخب مصر الوطني وتعيين مدرب أجنبي خلفا له.
قال حازم إمام: "إحنا مقدرين الناس زعلانة إزاي والناس بتتنفس كرة القدم وإحنا منهم لا نعفي نفسنا من الأخطاء أكيد، بشكر الوزير أشرف صبحي على دعمه للكرة بشكل عام والمشروع اللي المفروض نعمله".
وتابع إمام: "إحنا بقالنا ٤ أشهر في أخطاء عملناها وده واضح من النتائج، الكل بيغلط لكن المهم بنعمل إيه بعد الأخطاء مفيش حد بيكسب على طول، إحنا شرحنا للوزير اللي هنعمله الفترة الجاية، هو فكرته إحنا هنعمل إيه وإيه هو التطوير اللي هيحصل".
وأضاف: "كل الاحترام والتقدير لإيهاب جلال راجل محترم جدًا بنوجهله الشكر على الفترة اللي قضاها معانا، للأسف الظرف لم تخدمه، وكرة القدم في كثير من الأوقات تكون ظالمة".
وتابع: "هنفاوض مدير فني أجنبي الفترة الجاية .. شغالين في بعض الأسماء المطروحة أمامنا.. منتخب مصر كبير جدا وتم ترشيح أسماء كبيرة عاوزة تشتغل في مصر".
وواصل: "هنجيب مدير فني أجنبي لاتحاد الكرة بحيث يتابع اللاعبين والمدربين ورخص التدريب ويعمل سكاوتينج للاعيبة وخططا طويلة المدى".
واختتم حديثه قائلا: "سنتعاقد مع مدرب أجنبي للمنتخب الأوليمبي علشان يطورنا، ومسألة الفلوس احنا عندنا موارد كويسة جدا، الاتحاد المصري كبير وعنده سيولة مالية ورعاة كتير ومصر كبيرة في كرة القدم، والحاجات دي مش هتمنع إننا نجيب ناس صح ونشتغل عليها".
