بكري: «فيه وزراء المفروض يمشوا ميوروناش وشهم تاني» - فيديو

كشف الإعلامي مصطفى بكري، عن بعض المشاكل التي تحتاج لتغيير في الحكومة والمحافظين.

وقال بكري، خلال حلقة اليوم من برنامجه "حقائق وأسرار" المذاع عبر فضائية "صدى البلد": "في وزراء المفروض يمشوا و ميوروناش وشهم تاني وفي محافظين مشفناش خلقتهم وقاعدين وقافلين بيوتهم عليهم".

وتابع: "تزعل تتقمص تغضب تتنزفز هي دي الحقيقة"، معقبا: "إحنا عندنا قائد عظيم لازم نساعده، اللي اتحقق في البلد دي من إنجازات في 8 سنوات متحققش على مدار 30 سنة الكل عارفها وشايفها".

وأكمل: "الحفاظ على مصر واستقرارها أمن قومي لا يقبل العبث"، معقبا: "الرئيس عبد الفتاح السيسي تحمل المسئولية كاملة، وكان يعرف جيدا الواقع في مصر، ويدعم حرية الإعلام وعرض وجهات النظر المختلفة".

وأردف: "الرئيس مبينمش، وقالها قبل وصوله لحكم البلاد قال: "أنا عارف إنه يوجد تحديات هتقابلني"، معقبا: "زمان كنا بنقول بتسرقوا الفلوس تودوها فين، دلوقتي بنقول للرئيس السيسي بتجيب الفلوس دي منين، الرئيس عمل إنجازات وبنى البلد وحافظ كل رقم في الدولة وعارف كل حاجة عن كل شيء في البلد".