«قميص نوم أحمر».. أزمة جديدة بحياة بدرية طلبة تنشر تفاصيلها لأول مرة - فيديو
ألقت الفنانة بدرية طلبة، الضوء على جانبا من حياتها الشخصية والعملية بتفاصيل ترويها لأول مرة على الهواء، قائلة: "في حياتي ناس كتير فيهم اللي دعمني ووقف جنبي وفيهم اللي هاجمني".
وسردت طلبة، خلال حلولها ضيفة ببرنامج "كلام الناس" المذاع عبر قناة "إم بي سي مصر"، مع الإعلامية ياسمين عز، مساء اليوم الخميس، كواليس من فليمها "خالتي فرنسا"، قائلة: "كنت بتكلم مع المخرج في ملابس مشهد الفرح وقولتله عاوزين نلبس حاجة زي قمصان نوم زينات صدقي زمان".
وأضافت: "لقيتهم تاني يوم جايبين قميص نوم أحمر قولتلهم مش هلبس ده، وأصريت علي موقفي، ووقفت التصوير".
وتابعت: "الفنانة عبلة كامل مكنتش طرف في الأزمة بل دعمتني في موقفي، لما وصلها إني اتفقت على قميص غير دا، وجابتني في أوضتها أثناء التصوير وسألتني إيه اللي حصل وحكتلها ووقفت جنبي وحلت المشكلة".
وفي سياق آخر، تحدث الفنانة عن سر رحيلها من برنامج نفسنة، قائلة: "حصلت مشكلة بيني وبين المذيعة حبيبة وقولتلهم يا أنا يا هي"، مردفه: "هي تطاولت علي زميلة ليا وقولت بكرا تتطاول عليا أنا كمان وده حصل فعلا".
وفي وقت سابق، نشرت بدرية طلبة، صورة ليد ابنة شقيقها، التي قالت إنها تعرضت لـ«شكة دبوس»، وذلك من خلال حسابها على موقع التواصل الاجتماعي «فيس بوك»، وكتبت معلقة: «والله ماكنت بصدق ومكانش ييجي على بالي أبدًا إن دي حقيقة لكن حصلت لحد مني».
وأضافت: «اللي اتشكت دي بنت أخويا، وربنا ستر ورجعت بيتها بالسلامة، أمانة خدوا بالكم من بناتكم؛ لأن واضح أن البنات الكبار هم السن المستهدف، شيروا على قد ما تقدروا علشان نوعي الناس، دا مش بوست منقول دي صفحتي أنا بدرية طلبة ودي بنت أخويا».
