ياسمين عز تكشف مفاجأة عن أزمة ياسمين صبري مع مخرج الشادر «فيديو»
انتقدت الإعلامية ياسمين عز، الهجوم الذي لاحق الفنانة ياسمين صبري، من قبل البعض عبر مواقع التواصل الاجتماعي، قائلة "شوفوا حياتكم وخلوها تشوف حياتها".
وأضافت عز، خلال تقديمها حلقة اليوم من برنامجها "كلام الناس"، المذاع عبر فضائية "إم بي سي مصر"، قائلة: "فيه حملة بتتعمل على الفنانة ياسمين صبري بقالها فترة ومش عارفين سببها مين ولا مين وراها".
وتابعت: "ياسمين صبري اعتذرت بهدوء عن مسلسل الشادر ومن غير ما تذكر الأسباب ودا من حقها، من حق أي فنان إنه يعتذر عن عمل، يبقى بتهاجموها ليه، معقبة: "جايز تكون اعتذرت عشان بتجهز لعمل أفضل".
وأكملت: "مينفعش حد يطلع يقول إنها لم تعتذر وأنه تم استبعادها، لأنها غير مناسبة للشخصية أو مش هتعرف تعمل الدور، معقبة: "دا كلام غير مقبول، أما نيجي نتكلم عن ياسمين صبري مينفعش نقول كدا، لأنها مش ممثلة مبتدئة".
وأردفت: "مش قادرة أفهم سر شماتة البعض فيها بهذه الطريقة، رغم أنها فنانة في حالها ومش بتاعت مشاكل، طول القوت الناس بتتدخل في حياتها الشخصية والعملية وهي ساكتة مبتردش، معقبة: "ياسمين صبري فاتن حمامة الجيل بتاعنا ولازم نحترم خصوصيتها".
