استشاري نفسي: النصاب يجعلك تخرج الفلوس من جيبك.. «فيديو»
كشف الدكتور وليد هندي، استشاري الصحة النفسية، عن الحيل التي يلجأ إليها النصاب في خداع ضحاياه بنجاح.
وقال هندي، خلال استضافته ببرنامج "صباح الخير يا مصر"، المذاع على القناة الأولى المصرية: "النصب موجود أينما وُجد الإنسان، أي من قديم الأزل، وكانت الناس تفلس ويُضحك عليها، وتلعب تاني ويُضحك عليها مرة آخرى".
وأضاف هندي: "النصب يأخد أشكال مختلفة باختلاف العصور والمجتمعات، كأن يقول لك اديني 100 جنيه، هديهوملك 100 دولار عشان يكسب بيهم".
وتابع: "في ناس راح منها مئات الآلاف والملايين، والناس بيتنصب عليها من خلال السوشيال ميديا، لأنهم يملكون دافع التملك وعايزين يكسب، والفلوس تسبب له نوع من الأمن".
وأكمل: "اللي قاعد في بيئة مستقرة وآمنة مش هيتأثر بالنصب أبدًا، هيكون هادي وعنده طموح وبيشتغل على نفسه، لكن راضي ومش طماع، وبيحّكم العقل، عارف الجنيه بييجي منين، مش بيضحك عليه بسهولة".
وأكمل: "معظم المنصوب عليهم شخصيات قابلة للإيحاء، النصاب مش بيطلب منك فلوس بيخليك تطلع الفلوس من جيبك وأنت بتقول يارب يقبل ياخدها".
