مدحت العدل: المجتمع اتعمله غسيل مخ والمرأة أصبحت «وعاء جنسي» - فيديو

علق الكاتب مدحت العدل، على واقعة قتل وذبح الطالبة نيرة أشرف، فتاة جامعة المنصورة، قائلًا: "الحجاب ملوش علاقة".

وقال العدل، خلال استضافته ببرنامج "الستات"، المذاع على قناة النهار: "هو كان حاببها وده أمر متكرر، واللي يدايق أكتر رد فعل الناس على السوشيال ميديا من الجريمة".

وأضاف: "المجتمع تم غسل مخه لمدة 40 سنة، ولازم يعاد تأهيله، ونعلم ونربي من أول وجديد، وربنا هو اللي بيحاسب، مش لازم نلبسها حجاب عشان تطلع بيه".

وأكمل: "المجتمع هو المسؤول الأول عن هذه الجريمة، يعني إيه خليكي شبه القفة، الست تحولت لوعاء جنسي، والرجل لذئب بشري".

وواصل العدل: "اللي بيفكر كده اتعمله غسيل مخ، أن المرأة مكانها البيت مش زي الولد، لو هسمحله يبات بره هسمحلها هي كمان، لازم أوزع فيهم المساواة، لأنهم زي بعض".