استشاري: «عدم تصديق الاكتئاب يقود الأبناء للانتحار» - فيديو

كشفت استشاري الأسرة والتربية، أمل غالي، عن الطرق التي يمكن من خلالها تقليل عناد الأبناء وعلاج الاضطرابات النفسية لديهم.

وقالت غالي، خلال استضافتها ببرنامج "صباح الخير يا مصر"، المذاع على القناة الأولى المصرية: "الولد بيحب يحس أنه راجل، واديله احتياجه من تقدير، أقوله أنا عايزك معايا وأخد رأيك، عايزاك تساعدني، والبنت لازم أحترم مشاعرها دي أهم حاجة عندها، انتي اختاري واعملي".

وأضافت: "لما الأهل بيحسسوا أولادهم بأهميتهم، ده بيقلل عندهم العناد، لو معملناش كده، هيخرجوا مشاعرهم المؤلمة في صيغة العناد، لازم أشوف هما مضايقين ليه أو بيعاندوا ليه، وأكبر من الطفل وأحسسه أنه ليه أهمية في المنزل".

وتابعت: "المراهقون أصبح لديهم ميول اكتئابية، ورهاب اجتماعي، وساعد الإنترنت في ذلك، وعدم تصديق الأهل لوجود الاكتئاب وإني أقوله أنت معندكش حاجة هيحسسه بالاكتئاب أكتر".

وأكملت: "لازم أصدق مشاعر ولادي، عشان الحزن ميتحولش لترك ووحدة، والرفض يخلق اضطرابا قد يؤدي إلى الانتحار".