علي الحجار لـ نغم إف إم: ألبومي فيه 12 أغنية متنوعة

قال الفنان علي الحجار خلال مداخلة هاتفية، لبرنامج "لمن يهمه الفن"، الذي يذاع على "نغم إف إم" تقديم أميرة نور، إنه معجب باسم البرنامج، ولما حد بيقولي إن فيه انحدار في الأغنية، بقول له إن لسه الناس بتسمع أغاني، من أصالة ومدحت صالح، وألبومي الجديد فيه ١٢ أغنية متنوعة، ومنهم أغنية "بطلة حكايتي".

وأضاف الحجار، "لما شفت كلمات أغنية "بطلة حكايتي" في بوست لطارق علي، قلت له إنها عاجباني، واللحن عمله الدكتور خالد داغر في يومين، وكانت تجربة جميلة، خالد داغر عازف تشيللو جامد جدا، بالإضافة إنه دكتور ومركزه كبير، ولما عمل لي أغنية "مافيناش من خوف"، شوفته بيختار الأنسب وكل شيء في مكانه الصحيح".

واختتم: قائلا، "عامل أغنية بتتكلم عن فكرة "لو يرجع الزمان"، الكليب كمان حلو، وبيعرض ذكرياتنا مع كل الكبار اللي اتربينا علي إيديهم زي أم كلثوم، رشدي أباظة، وعبد الحليم، ونجيب محفوظ، وعندي حفلة يوم السبت 2 يوليو 2022 فى المسرح المكشوف بالمنارة، بقيادة المايسترو أحمد عبد الشافى".