جمال فرويز يكشف أسباب صادمة وراء انتحار الأبناء - فيديو
أكد الدكتور جمال فرويز، أستاذ الطب النفسي، على ضرورة مساندة الأهالي لأبنائهم، والاستماع إليهم باستمرار.
وقال فرويز، خلال استضافته ببرنامج "التاسعة"، المذاع على القناة الأولى المصرية: "في فئة اسمهم العصابيين، بيقلقوا بسرعة مع أي ضغط بسيط، والأهل عارفين ده لكن مبيحاولوش يقربوا منهم".
وأضاف فرويز: "أي ضغط نفسي أو مادي، تعليمي، عاطفي، أول حاجة بيفكر فيها الشخص هو التخلص من نفسه، وبعد ما بينتحر خلاص، لكن لو محصلش الوفاة، هو نفسه بيستغرب هو عمل كده إزاي".
وتابع فرويز: "مشكلتنا أننا بنفكر بدماغنا إحنا مش دماغه هو، والدعم النفسي مهم للغاية، بدونه يحدث فراغ نفسي وعاطفي واكتئاب وجداني".
وأكمل: "لازم أتكلم مع ابني واسمعه مضغطتش عليه، مقولوش أنت السبب، وأنت اللي بتختار، لا أتكلم معاه، أديله ثقة في نفسه وأقوله هنحل المشكلة دي، خد ابنك جمبك، وخفف عنه".
