برلماني عن ثورة 30 يونيو: الشعب قرر تصحيح المسار

قال النائب هشام حسين، عضو مجلس النواب، أنه نحتفل اليوم بمرور 9 سنوات على ثورة 30 يونيو، عندما قرر الشعب إنه يتحرك لتصحيح المسار وينقذ بلده من واقع مؤلم ومستقبل مظلم.

وأضاف حسين: "أوقات كتير بقارن بين الوضع اللي احنا كنا فيه وكلامنا دلوقتي عن تأسيس الجمهورية الجديدة والحقيقة بوصل لنتيجة واحدة وهي أن أول خطوة اخدناها في طريق بناء الجمهورية الجديدة كانت يوم 30 يونيو 2013".

وتابع النائب: "مشينا مع بعض طريق صعب وطويل، صحيح واجهتنا مشاكل على كل المستويات وإرهاب وخطر حقيقي كان بيهدد وجود الدولة بس بفضل ربنا وبفضل وعي شعبنا عدينا كل ده بنجاح، مضيفا: حاجات كتير في بلدنا اتغيرت، بقى عندنا شبكة طرق على أفضل مستوى وبرامج حماية اجتماعية للفئات الأكثر ضعفًا في المجتمع وثورة تحديث شاملة في كل مرافق الدولة وتخطينا صعوبات كتير زي فيروس كورونا والأزمات الاقتصادية العالمية وقبل ده كله حققنا انتصار شهد بيه العالم كله ضد الإرهاب".