هل فاز مستر أوليمبيا عن طريق المنشطات؟.. شاهد| رد مفاجئ من الشحات مبروك

رد الشحات مبروك، على ما قاله بأن بيج رامى فاز ببطولة مستر أولينبيا عن طريق المنشطات.

وقال الشحات مبروك، خلال استضافته ببرنامج "كلام الناس"، المذاع على قناة إم بى سى مصر: "البطولات مش خاضعة لرقابة المنشطات، لكن الكلام اتحرف إنى بهاجم واللى بيفوزوا فيها بياخدوا منشطات".

وأضاف: "رامى مش هيقدر مياخدش منشطات، دى منافسة شرسة جدا، فهو هيعمل إيه يعنى".

وتابع: "دى حياته ورياضته ومستقبله، والمحترفين بياخدوا هرمونات، مفيش حد فى العالم كله، قبل ما يدخل الجيم يشترك بيقول للمدرب عايز حقن الأول".

وأكمل: "مش كل اللى خد منشطات بيعمل عضلات، اللى مبيعملش عضلات من غير منشطات، مش هيعمل عضلات بالمنشطات".

وواصل: "بيج رامى عنده موهبة كبيرة جدا، والمنشطات ممكن تلعب دور فى المنافسة الشرسة اللى هو فيها".

وأردف الشحات مبروك: "أى حد سواء متخصص أو لا، يقدر يحدد هل الشخص واخد منشطات أم لا".