ميدو ينفعل على الهواء بسبب «الستات»
انفعل الإعلامي أحمد حسام ميدو، على الهواء وطالب بضرورة منح سيدات مصر الفرصة العادلة في كافة مجالات المُجتمع.
وقال ميدو في تصريحاته عبر برنامج الريمونتادا على قناة المحور: «عارف إن اللجنة الأولمبية ووزارة الرياضة بيقوموا بمجهود كبير مع البطلات اللي هيشاركوا في أولمبياد باريس لكن محتاجين دعم».
وأضاف: «رسالتي للرعاة لازم يتم رعاية الأبطال والبطلات، اللي هيشاركوا في أولمبياد باريس 2024».
وواصل: «بكرر مناشدتي تاني، لازم البنات تاخد فرصة عادلة، الست جزء أصيل من المجتمع المصري وليها الحق في إنها تاخد دور في كل المجالات».
وأردف: «عليا مسؤولية مُجتمعية ولازم أقول إن الستات محتاجين فرصة عادلة، أرجوكم امنحهوهم الفرصة في كل المجالات».
وأوضح: «البطلات المصريات بتحارب التنمر، ومحتاجين دعم واهتمام إعلامي وشوية توفيق وعلم مصر هيكون مرفوع في أولمبياد باريس 2024».
واختتم حديثه قائلا: «البنات البطلات دي اتحدت التنمر من الطفولة، وفي ناس مش عاجبها حاجة وعايزين البنات دول في البيت بس مش تمرين ورياضة واجتهاد، وبدل ما تتنمر عليهم شجعهم»
