لسبب صادم.. بيج ياسمين: «رفضت بطولة في الكويت بـ 6 ملايين جنيه»

كشفت بيج ياسمين عن أكبر عرض مالي تلقته من إحدى المسابقات في دولة الكويت، والسبب الرئيسي وراء رفضها لهذا العرض.

وقالت بيج ياسمين، خلال استضافتها ببرنامج "ممنوع الاقتراب"، على قناة الحدث اليوم: "جالي عرض من الكويت، مسابقة كمال أجسام للبنات والرجال، قالولي انتي هتدخلي المسابقة وانتي ضامنة أول من غير ما تتكلمي، لأنهم مهتمين فيها بالحجم العضلي".

وأضافت: "كل اللي هناك حجمهم مفيش، والبطولة دي بـ 100 ألف دولار، يعني 6 ملايين جنيه مصري، بخلاف إقامتي الكاملة في الكويت، لكن كان لازم ألعب بالبكيني".

وتابعت: "من غير تفكير اتكلمت أنها لو بـ 60 مليون جنيه، مش هلبس بكيني، أنا رافضة فكرة البكيني تمامًا".

وأكملت: "متجبروناش نعمل كده، أقل رد أقوله لكل اللي بينتقدوني، أنتوا لو جالكوا 1 على 100 من المبلغ ده، قصاد إنكوا تقلعوا هدومكوا كلها هتروحوا، لكن أنا مش هتنازل عن مبدأي".