جدو يسخر من لاعبي الأهلي: كانوا رايحين «مصيف» في الجونة
سخر محمد ناجي جدو، لاعب الأهلي السابق، من أداء لاعبي الفريق الأول لكرة القدم بالنادي الأهلي، بعد التعادل مع الجونة سلبيا في إطار منافسات الدوري الممتاز هذا الموسم.
وقال جدو في تصريحاته عبر برنامج "الريمونتادا" على قناة المحور: "لاعيبة الأهلي كانت بتصيف في الجونة، مكانتش رايحة تلعب ماتش ده اللي انا شوفته".
وأضاف: "الأسبوع الجاي هيبقى فاصل وحاسم لمشوار الأهلي في الموسم، سواء في الدوري أو في الكأس".
وواصل: "لاعيبة الأهلي بتضيع فرص سهلة جدا، وأمام المرمى".
وفتح محمد ناجي جدو، النار على صلاح محسن لاعب فريق الكرة الأول بالنادي الأهلي، بعد إهداره للعديد من الفرص السهلة خلال تعادل الأهلي مع الجونة في الدوري الممتاز هذا الموسم.
وعلق قائلا: "صلاح محسن بيضيع فرص غريبة، وتحسه مش فارقة معاه وبيعامل الفرص اللي بتجيله باستهتار" .
وأنهى حديثه قائلا: "لازم صلاح محسن يفوق ويشتغل على نفسه وتركيزه يكون أكبر خاصة أمام المرمى، صلاح محتاج يحسن قراراته، ومينفعش تبقى لاعب في الأهلي ومتتصرفش مع الفرص اللي بتجيلك سبت ايه للاعيبة الدرجة الثانية؟"
