ريهام سعيد عن اعتزالها الإعلام: «جالي مرض خطير».. فيديو

صدمت الإعلامية ريهام سعيد متابعيها بتصريحات موجعة، أفصحت عنها لأول مرة، معلنة عن سبب قاس وراء اعتزالها العمل.

وقالت سعيد خلال لقاء تليفزيوني مع الإعلامية راغدة شلهوب، عبر فضائية النهار،: "جالي زهايمر وسكر".

وأضافت: "روحت لدكتور وقالي جالك زهايمر بسبب الضغط النفسي، وصعبت عليا نفسي قوي، أنا كنت قوية جدا".

وتابعت: "أنا الجروب اللي اشتغلت معاه لسنوات طويلة قاطعوني مع إني كنت سبب في شهرتهم".

وأكملت: "مش زعلانة إني بعيد عن العمل الإعلامي، معقبة: "ولا هنجح أكتر ما نجحت ولا أنتو هتنجحوا زيي ولا حد هيعرف يأخد مكاني".

وتطرقت الإعلامية في حديثها عن أزمتها الشهيرة مع فتاة المول، بالقول: "دي أكتر شخص عيشني في ذهول أنا عشت 4 أيام مش بنطق ولا بتكلم ولا كلمة واحدة عايشة مرعوبة من كل الناس اللي كنت بثق فيهم، معقبة: "فتاة المول ظلمتني هي أكتر حد ظلمني".