مش ملحدة.. مفاجأة جديدة تقلب الطاولة على أسرة نيرة أشرف - فيديو

خرج ناشر فيديو "رجل التيشيرت الأصفر" بواقعة مقتل طالبة جامعة المنصورة نيرة أشرف التي لقت حتفها ذبحا على يد زميلها أمام جامعة المنصورة، في بث مباشر موجه لشقيقة الضحية.

وقال ناشر الفيديو، موجها حديثه لشقيقة نيرة: "أستاذة شروق أنا مصر على كلامي الشخصي اللي ظهر بالتيشيرت الأصفر في فيديو نيرة محرض على القتل حتى لو مكنش محمود ابن عمتها".

وأضاف: "المحرض لازم يتحاسب"، معقبا: "اتفاجئت النهاردة إن أستاذة شروق عملت فيا محضر وأنا مش خايف لأني عارف القانون بتاعنا".

وتابع: "للأسف من الواضح أنكم أسرة بتعرف ترمي بلاها على الناس وأكيد عملتوا مع محمد عادل كدا"، معقبا: "أنا كلامي لأستاذة شروق كان واضح ومكنش فيه أي تهديد".

وأكمل: "أستاذة شروق قالت الشرطة جابت الشخص صاحب التيشيرت أصفر وأخلت سبيله وسألنا وعرفنا إن الشرطة مجابتوش"، معقبا: "أنتي اعترفتي ليا إن أختك علمانية بس مش ملحدة وإنك لازم تدافعي عنها وأنا احترمت كدا".

وواصل: "للأسف أنتوا عايزين شهرة وكل ما بتتكلموا بتظهر حقيقتكم و اعترفتوا أنكم خليتوا محمد عادل القاتل يوقع على إيصالات أمانة، ولو مصر كلها سكتت عن اللي عملتوه أنا مش هسكت".

وأردف موجها حديثه للقاتل: "إنت إزاي عملت في نفسك كدا ليه توصل نفسك لكدا الدنيا وقفت على البنت دي يعني إحنا رجالة كنت تفكر في أهلك".