مادلين طبر: «سمير صبري كان بالنسبة لي فسحة وملوش مثيل»
تحدثت الفنانة مادلين طبر، عن ذكرياتها مع الفنان الراحل سمير صبري، والمواقف المبهجة له.
وقالت مادلين طبر، خلال استضافتها ببرنامج "مساء dmc": "أول ما تشوفي سمير صبري تبتسمي علطول، هذا الرجل استطاع أن يكون ممثلًا، مذيعًا، راقصًا، لا مثيل له".
وأضافت: "سمير كان بيحب الرقص أوي زيي، وفي مرة طلعت موسيقى أمريكية كنا متعودين نرقص عليها، قالي May I ، وبدأنا نرقص، كان شعلة رغم أنه ماسك عكاز، بعد الرقصة قالي اسنديني".
وتابعت: "كان فنان شامل، من مدرسة اللي بيجيب ضيفه، وبيكرمه، وياخد منه اللي هو عايزه، مش يدوس على مشاكلهم، ويركز على أوجاعهم".
وواصلت: "سمير كان بالنسبالي فسحة، يقولي نعمل لقاء، كنت أروح وأطلع كل اللي جوايا، لكن مفيش أذي، ظهري كله محمي".
