خالد زكي: «وقت مرض والدتي مكانش معايا فلوس وبعت أراضي والدي بـ3 تعريفة» - فيديو

عرضت فضائية "النهار"، مساء اليوم الأربعاء، لقطات من لقاء الفنان خالد زكي، مع الإعلامي عمرو الليثي.

وقال زكي، إنه اعتمد على نفسه بشكل كامل وكان بمثابة الابن والأب لوالدته ولأبنائه ولزوجته ووالدها وللكثير ممن حوله.

وتابع: "تحملت المسؤولية كثيرًا وواجهت مشاكل مادية فوق الخيال، وربنا عداها من عنده".

وأردف: "في حاجة لو اتعملت في السينما الناس هتقول دا كلام أوفر"، لافتًا أن والده ترك له بعد وفاته أراضي وكان عليها قضايا ووقف ومشاكل.

وتابع: "بعتها كلها بـ 3 تعريفة، ومكانش معايا فلوس خالص ووالدتي كانت مريضة، فقعدت مرة أقول طب أعمل إيه، وأنا لو الدنيا اتطربقت مش هرفع سماعة التلفون وأقول لحد عايز فلوس".

واستطرد: "الدعوة الوحيدة، اللي بدعيها في حياتي، إن ربنا يديم عليا الصحة وميحوجنيش لحد لا ماديا أو معنويًا ولما يجي أجل الواحد يروح في سلام بلا عذاب".

وأضاف: "قعدت وبكيت، وقولت يارب افرجها من عندك، فالأذان أذن، تفائلت خيرًا وبعدها مباشرة التلفون رن، فقومت لقيت مكتب بيكلمني عشان فيلم، وقالي تجيلي النهارده، وروحت عملت عقد بـ100 جنية كانت هنا، وأداني 25 جنيها عشان أجيب بدل، فحلها ربنا من أوسع الأبواب".