آيتن عامر باكية: صحفية أنقذت حياتي ونفسي أقابلها - فيديو

ألقت آيتن عامر، الضوء على حياتها الشخصية بتفاصيل ترويها لأول مرة على الهواء، مؤكدة أنها في عمر 5 سنوات ضلت عن أسرتها في إحدى شواطئ الإسكندرية خلال قضائهم عطلة الصيف مع شقيقتها الكبرى التي كانت تعيش في الإسكندرية قبل وفاتها.

وأضافت آيتن، خلال حلولها ضيفة ببرنامج "معكم"، المذاع عبر قناة "سي بي سي"، مع الإعلامية منى الشاذلى: "فيه ست صحفية جميلة خدتني وراحت الفندق وكلمت وفاء أختي عشان تيجي تاخدني".

وتابعت باكية: "الصحفية الجميلة دى خدتني وقتها الشقة وأكلتني ولبستنى نضيف ونفسى أقابلها دلوقت".

ومن جهتها عقبت شقيقتها وفاء عامر على حديث آيتن، قائلة: "شوفت المرار بسبها".

وأضافت: "آيتن مكنتش تعرف في الفلوس، وكان فيه سوبر ماركت جنبى قلت لصاحبه اديها اللى عايزاه، راحت آيتن خدت كل الأطفال اللي في المنطقة وراحت السوبر ماركت خدت حاجات كتير جدا على أساس إن السوبر ماركت بتاعنا ودفعت كل الفلوس وقتها اللي معايا تمن الحاجات اليل اشترتها هي والأطفال اللي معاها".