محمد عبد الرحمن: «اتجوزت مراتي بسبب غلطة في فرح».. فيديو

أوضح الفنان محمد عبد الرحمن، الطريقة التي تزوج بها وتعرف بها على شريكة حياته.

وخلال لقاء عرضته فضائية "النهار"، اليوم الاثنين، أكد الفنان محمد عبد الرحمن، أنه تعرف على زوجته خلال فرح أحد أصدقائه.

وتابع: "عرفت مراتي عن طريق أصدقاء مشتركين وكنت شغال ومعروف وعندي حوالي 29 سنة"، مشيرًا إلى أنه بدأ العمل في "تياترو مصر" حينما كان عُمره 26 سنة.

وأضاف: "كانت عارفاني وأول يوم كنت أنا وربيع وهى كانت خارجه مع خطيبة صاحبي، وروحنا دخلنا المول أنا وربيع وحصل تجمهر علينا أنا وربيع فجرس الإنذار ضرب، وخرجنا أنا وربيع جري وكان نفسي أشتري تيشرت من المول"ز

وأردف: "قعدنا في مكان بعد كدا زي مطعم وأنا قاعد قافل عنيا من الصداع، ولقتها بتكلمني تسألني مالك، وقالتلي على وصفة أعشاب وتبادلنا أرقام التلفونات".

واستطرد: "من وقت للتاني بعتتلي الوصفة وسألتها عامله إيه والأخبار لحد ما جينا في فرح أُس أُس، المفروض اننا صحاب، فأنا عديت ومأخدتش بالي منها، المهم ببص بالصور تاني يوم بتاعت الفرح قولتلها إنتي كنتي في الفرح، وقولتلها بعد كدا عندك مانع نتقابل نتغدا واتجوزنا بعدها".