مفاجأة.. أول رد من حسام حبيب على تصريحات شيرين عبدالوهاب

رد الفنان حسام حبيب، على تصريحات طليقته شيرين عبد الوهاب، في مداخلة هاتفية لبرنامج "كلمة أخيرة" على شاشة قناة "أون".

حيث أكد حبيب، إنه قرر اللجوء للإجراءات القانونية للحصول على حقه إثر التصريحات التي أدلت بها طليقته شيرين عبد الوهاب، في مداخلة هاتفية لبرنامج "كلمة أخيرة" على شاشة قناة "أون".

ونشر "et بالعربي" تسجيل صوتي لحسام حبيب قال فيه: "أكيد هيكون في إجراء قانوني، عمري ما دافعت عن نفسي وعمري ما تكلمت طبعا كل ده كلام مرسل، الكلام اللي أنا هرد بيه كلام كله بوثائق، مش هقول كلام مرسل، كل حاجة دلوقتي بحضرها، حفاظا عليها وسمعتها، وعلى بيتها، مكنتش بتكلم".

وتابع: "بس أنا دلوقتي هضطر أني اتكلم، لأن الكلام بقى زيادة قوي، أنا كل اللي هعمله مش هطلع أتكلم كلام مرسل، أنا هطلع أتكلم كلام بحقايق وبوثائق، عشان أنا معرفش أقول كلام مرسل، لا أتحاسب عليه ولا افتري على حد، أنا هرد على كل حاجة هي قالتلها بوثائق تثبت إن الكلام ده كله تهديد".

وأوضح: "أنا بأبتز عشان خاطر اسمع الكلام ولو مسمعتش الكلام هيحصل فيا كده، بتهدد دايما بجمهورها أني هي هتعمل فيا كده، وهي فعلا بتحاول تعمل كده".

وأضاف: "بس أنا إجراءاتي القانونية، وردي في الإعلام هيبقى كله بوثائق وحقايق، علشان كده أنا مش مستعجل أنا بظبط دلوقتي كل حاجة قانونا وبمستندات".