شاهد.. آخر كلمات القبطان سامح السيد المفقود في المحيط الهندي

أطلقت أسرة أسرة الشاب سامح السيد شعبان، عدة استغاثات بالمسؤولين بعد غرق ابنهم فى المحيط الهادى دون العثور على جثمانه حتى الآن.

وكتب شقيقه عبر صفحته الشخصية فيس بوك: "أخويا مفقود فى عرض البحر وفاضل يومين على إنه يقدر يعيش من غير أكل ولا شرب ومحدش بيتحرك".

وأشار شقيق سامح السيد قائلا: "أخويا مفقود فى عرض البحر، حق أخونا وصاحبنا القبطان سامح سيد شعبان كامل، خريج دفعة 2020/2021 من الأكاديمية البحرية الأردنية، شاب من محافظة الفيوم، دخل الكلية زى أى حد واتخرج واشتغل على مركب تجارية سافرت شهر 2، بيتواصل معانا كل فترة، لكن الشهر اللى فات بعتلنا أنا المركبة انخرمت وبايظة والناس مش عاوزين ينزلوهم ومكملين بيهم.

وحول التواصل مع شقيقه أشار قائلا: بيتواصل معانا كل فترة من الفترات عادى الشهر اللى فات بعتلنا أنا المركبة انخرمت وبايظة والناس مش عاوزين ينزلوهم ومكملين بيهم ويلحموا السفينة، طبعا اتجاههم ركبوا من اليابان وبعدين راحوا كوريا والصين، المهم كذا بلد لحد جزر المالديف والسفينة انخرمت طبعا وعملوها وتتخرم، المهم إن سامح مصور لنا كل حاجة صوت وصورة والمركب بتدخل مياه جم يوم 20/6 عملوا مشاكل مع القبطان وراجعوا واحد مصرى من الإسكندرية من كتر المشاكل اللى عملوها، يوم 14/7 غرقت المركب كانوا 12 واحد ف المياه نزلوا في زورق في المياه في نص المحيط الهندى".

وكان الشاب سامح قد كتب آخر كلماته عبر صفحته الشخصية على موقع التواصل الاجتماعى فيس بوك، قائلا: "أنا أبويا كان راجل يستاهل يتزعل عليه العمر كله.. وتحس إن البحر بيحاول ياكل المركب اللى إحنا فيه"، متابعا: "ضحيتى بكل عمرك حتى تشوفينا بأحسن حال يا أمى".

وقال القبطان المفقود: البحر بالليل حاجه تانية خالص، مردفا: طالما معاك أمك يبقى إنت مخصرتش حاجه فى الدنيا.