شيماء سيف تكشف سبب خلافها مع انتصار وهيدي كرم بسبب «نفسنة»
كشفت الفنانة شيماء سيف، عن سبب الخلاف الذي وقع بينها وبين الفنانتين انتصار وهيدي كرم، في برنامج نفسنة.
وقالت شيماء سيف، خلال استضافتها ببرنامج عقارب الساعة، عبر قناة النهار: "لما سمعتهم بيتكلموا عني، حسيت بغدر، ومش فاهمة ليه بيحصل كده، حد بيخطط أنه يمشيني من المكان، عشان وصلت لحاجة المفروض ماخدهاش من رأيهم".
وأضافت: "دخلت وواجهتهم، أنا خدت القرار وحبيت أمشي بسبب الموقف ده، مبحبش أشتغل في مكان فيه مشاحنات ومشاكل".
وتابعت: "أنا بحب اشتغل مع ناس بحبهم ويبقوا صحابي، أحسن ما اشتغل في 100 عمل، ولما مشيت مكنش عندي أي عروض تانية، سيبت القناة والعروض بدأت تجيلي لما الحلقات الأخيرة اللي سجلتها تم عرضها".
وأكملت: "كنت خايفة أندم على القرار ده، لكن الحمد لله مندمتش وربنا نصرني".
