حنان ترك توجه سؤالا لجمهورها: «ليه بنروح السرير كل يوم؟»
حرصت الفنانة حنان ترك، أن توجه رسالة لجمهورها من خلال حسابها الرسمي عبر موقع التدوينات القصيرة «تويتر».
وكتبت: «كل ليله بنروح السرير علشان ننام.. ومفيش أي ضمان إننا هنصحي تاني الصبح.. لكننا بنظبط المنبه.. ودا يسمى الأمل.. صباحكم أمل في كرم الله».
وعلى صعيد آخر، احتلت حنان ترك قائمة محرك البحث جوجل، ومواقع التواصل الاجتماعي، وذلك بعدما ظهرت لمتابعيها في بث مباشر عبر صفحتها الشخصية على موقع التواصل الاجتماعي فيس بوك.
وكشفت في البث المباشر الذي ظهرت فيه تفاصيل مرضها خلال الفترة الأخيرة، وتداول الجمهور تصريحاتها بشكل كبير على مواقع التواصل الاجتماعي.
وقالت حنان ترك إنها تعاني من دور برد أصابها منذ أسبوع، وصوتها تعبان بسبب البرد، وتابعت: «صعبت عليا نفسي أوي أوي لما أصحابي وحبايبي اللي يعرفوني كويس زعلوا مني على حاجات أنا ماليش علاقة بيها وعمري ما قولتها».
وأضافت: «معقولة نسيوني أوي للدرجة دي وممكن يفتكروا إني أقول الكلام ده، خدت على خاطري منهم، والحمد لله عرفت أوثق الصفحة بتاعتي وكل الصفحات التانية معظمها اتراجعوا وغيروا الاسم، وأنا مش هسكت خالص، وهبتدي اخد إجراءات».
وتابعت حنان ترك: «بطلب منكم تساعدوني على أي حد بيتكلم باسمي، وانتوا اللي تقفوا لأنكوا عارفين حنان ممكن تقول إيه ومتقولش إيه، في صفحات كتير باسمي بيتكلموا باسمي في الدين وفي السياسة، وأنا ماليش علاقة بيها وعمري ما أنزل بوستات بالشكل ده، وأنا جاهلة جدًا ومعنديش وعي بالسياسة، أما بالنسبة للدين قلتها زمان وهقولها تاني أنا درست علوم شرعية على سبيل النجاة لا على سبيل الدعاء، والدعوى».
